ବାଣ ବିକ୍ରି ଉପରେ କଟକଣା
ଆନନ୍ଦପୁର:ଆନନ୍ଦପୁର ପୋଲିସ ଓ ପ୍ରଶାସନ ପକ୍ଷରୁ ବାଣ ବିକ୍ରି ଉପରେ କଟକଣା ଜାରିକରାଯାଇଛି,ବଜାର ରେ ବାଣ ବିକ୍ରି ନିଷେଧ କରାଯାଇଥିବା ବେଳେ ତହସିଲ ପକ୍ଷରୁ ଏଥିପାଇଁ ସ୍ୱତନ୍ତ୍ର ସ୍ଥାନ ଚିହ୍ନଟ କରାଯାଇ ଏସବୁ ସ୍ଥାନରେ ବାଣ ବିକ୍ରି କରିବାକୁ ଅନୁମତି ପ୍ରଦାନ କରାଯାଇଛି,ଜନବସତି ଠାରୁ ୫୦୦ମିଟର ଦୂରରେ ବାଣ ଦୋକାନ କରାଯିବା ସହ ଏଥିପାଇଁ ଅଗ୍ନିଶମ ବିଭାଗ ସଜାଗ ରହିବାକୁ ମଧ୍ୟ ପରାମର୍ଶ ଦିଆଯାଇଛି,ଆନନ୍ଦପୁର ବି.ଏନ ହାଇସ୍କୁଲ ପଡିଆ,ଘଷିପୁରା ଝାଡେଶ୍ୱର ମନ୍ଦିର ନିକଟ ହାଟ ପିଣ୍ଡି,ବାରିଗାଁ ଫାୟାରଷ୍ଟେସନ ନିକଟ ପଡିଆ,ଶାଳବଣି ପଡ଼ିଆରେ ବାଣ ବିକ୍ରି କରିବାକୁ ଅନୁମତି ଦିଆଯାଇଛି,ଏନେଇ ଜିଲ୍ଲାପାଳ ଙ୍କ କାର୍ଯ୍ୟାଳୟ କୁ ମଧ୍ୟ ଅବଗତ କରାଯାଇଛି ବୋଲି ତହସିଲଦାର କହିଛନ୍ତି.ସେହିପରି ବର୍ଷା ଯୋଗୁ ଘଷିପୁରାରେ ବାଣ ଦୋକାନ ଖୋଲି ପାରିନଥିବା ବେଳେ ଆନନ୍ଦପୁର ରେ କଁ। ଭାଁ ଦୋକାନ ଖୋଲିଛି.
ଆନନ୍ଦପୁର ରୁ ଗଣେଶ୍ୱର ମହାନ୍ତି

ପୌରପରିଷଦ ଅବହେଳା ଯୋଗୁ ଗ୍ରାମବାସୀ ଙ୍କ ଦ୍ଵାରା ସଫେଇ
ଆନନ୍ଦପୁର:ଆନନ୍ଦପୁର ପୌରପରିଷଦ ଅନ୍ତର୍ଗତ ପଦ୍ମପୁର ଗ୍ରାମର ୧ନଂ ୱାର୍ଡ ସାମଲ ସାହି ଦୀର୍ଘଦିନ ଧରି ପଡିରହିଥିବା ଅଳିଆ ଆବର୍ଜନାକୁ ପୌରପରିଷଦ ତରଫରୁ ସଫେଇ କରାଯାଉନଥିବା ବେଳେ ଗ୍ରାମବାସୀଙ୍କ ପକ୍ଷରୁ ସଫେଇ କରାଯାଇଥିବା ଦେଖାଯାଇଛି,ଆନନ୍ଦପୁର ପୌରପରିଷଦ ପଦ୍ମପୁର ଗ୍ରାମ ଏକ ଚାଷୀ ବହୁଳ ଗ୍ରାମଭାବେ ଉପଖଣ୍ଡ ରେ ବେଶ ପରିଚିତ ଥିବାବେଳେ ପୌରପରିଷଦ ପକ୍ଷରୁ ସଫେଇ କାର୍ଯ୍ୟ ଅବହେଳା ହେଉଥିବାରୁ ରାସ୍ତା କଡରେ ଦୀର୍ଘଦିନ ଧରି ଅଳିଆ ଆବର୍ଜନା ପଡି ପରିବେଶ ଦୂଷିତ କରିବା ସହ ମଶା ଡାଅଂଶ ଙ୍କ ପ୍ରଭାବରେ ଲୋକେ ବିଭିନ୍ନ ରୋଗରେ ଆକ୍ରାନ୍ତ ହେଉଥିବାର ଗ୍ରାମବାସୀ ଅଭିଯୋଗ କରିଛନ୍ତି,ଗ୍ରାମର ଉତ୍ସାହୀ ଯୁବକ ମାନେ ମିଳିତ ଭାବେ ସାମଲ ସାହି ରାସ୍ତାର ଦୁଇପାର୍ଶ୍ଵ ରେ ପଡିଥିବା ଅଳିଆ ଆବର୍ଜନା କୁ ଟ୍ରାକ୍ଟର ରେ ବୋହି ଅନ୍ୟତ୍ର ପକାଉଥିବା ଦେଖାଯାଇଛି,ସଫେଇ ପାଇଁ ପୌରପରିଷଦ ପକ୍ଷରୁ ମାସକୁ ଲକ୍ଷଲକ୍ଷ ଟଙ୍କା ଟେଣ୍ଡର ମାଧ୍ୟମରେ ଦିଆଯାଉଥିବା ବେଳେ ସଫେଇ କାର୍ଯ୍ୟ ଠିକ ଭାବେ ନହେବା ନରହରି ସାମଲ,ଶ୍ରୀପତି ସାମଲ,ପ୍ରଦୀପ ସାମଲ,ଅଜୁ ସାହୁ,କବିନ୍ଦ୍ର ସାହୁ,ଝାଡେଶ୍ୱର ସାହୁ ପ୍ରମୁଖ ଅଭିଯୋଗ କରିଛନ୍ତି,ସେହିପରି ୩ନଂ ୱାର୍ଡ ପାଟରା ସାହି ରେ ସଫେଇ କାର୍ଯ୍ୟ ଠିକ ଭାବେ ହେଉନଥିବାର ୱାର୍ଡ ବାସିନ୍ଦା ଦେବ ଚକ୍ରବର୍ତ୍ତୀ ଅଭିଯୋଗ କରିଛନ୍ତି,ଏଥିପ୍ରତି ପୌରପରିଷଦ ଅଧିକାରୀ ଦୃଷ୍ଟି ଦୃଷ୍ଟି ଦେବାକୁ ସାଧାରଣରେ ଦାବୀ ହୋଇଛି.
ଆନନ୍ଦପୁର ରୁ ଗଣେଶ୍ୱର ମହାନ୍ତି

ବେଆଇନି ମୋରମ ଚାଲାଣ
ଆନନ୍ଦପୁର:ଆନନ୍ଦପୁର ପୌରାଞ୍ଚଳରେ ମୋରମ ମାଫିଆଙ୍କ ରାଜ୍ ବଢ଼ିବାରେ ଲାଗିଛି,ପ୍ରଶାସନ ସବୁ ଜାଣି ନିରବ ରହିବା ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି,ବିନା ଲିଜରେ ସରକାରୀ ଜମିରୁ ଟ୍ରିପଟ୍ରିପ ମୋରମ ଚାଲାଣ ହେଉଛି,ଘଷିପୁରା ତହସିଲ ଅନ୍ତର୍ଗତ ସାଳପଡା ୧,୨ଓ ୩ ମୌଜା ରୁ ବ୍ୟାପକ ମୋରମ ଚୋରା ଚାଲାଣ ହେଉଥିବା ବେଳେ ଏହାକୁ ନେଇ ସ୍ଥାନୀୟ ଲୋକେ ଅସନ୍ତୋଷ ପ୍ରକାଶ କରିଛନ୍ତି,କିଛିଦିନ ହେଲା ଏଠାକୁ ବହୁ ସଂଖ୍ୟାରେ ଟ୍ରାକ୍ଟର ଓ ଟ୍ରକ ମୋରମ ନେବାକୁ ଆସୁଛନ୍ତି,ଦିନରାତି ମୋରମ ଖୋଳା ଚାଲିଥିବାରୁ ଏହି ସ୍ଥାନରେ ବିରାଟ ଖାଲ ସୃଷ୍ଟି ହୋଇ ଗୃହପାଳିତ ପଶୁଙ୍କ ପାଇଁ ବିପଦ ସୃଷ୍ଟି କରିଛି,ମୋରମ ବୋଝେଇ ଟ୍ରାକ୍ଟର ଓ ଟ୍ରକ ଯାତାୟାତ ଦ୍ୱାରା ରାସ୍ତା ଘାଟ ଖରାପ ହେଉଥିବା ଅଭିଯୋଗ ହୋଇଛି,ବେଆଇନି ମୋରମ ଚାଲାଣ ବନ୍ଦ କରିବା ପାଇଁ ପ୍ରଶାସନ ଦୃଷ୍ଟି ଦେବାକୁ ସାଧାରଣରେ ଦାବୀ ହୋଇଛି.
“ଆନନ୍ଦପୁର ରୁ ଗଣେଶ୍ୱର ମହାନ୍ତି”

26.10.2019 10.30 କାନ୍ଥ ପଡି ଦୁଇ ମହିଳା ଗୁରୁତର
ଆନନ୍ଦପୁର:ଦୁଇଦିନ ଧରି ଲଗାଣ ବର୍ଷା ଯୋଗୁ ଆନନ୍ଦପୁର ରେ ଜନଜୀବନ ଅସ୍ତବ୍ୟସ୍ତ ହୋଇପଡ଼ିଛି,ଦୁଇଟି ସ୍ଥାନରେ ଘର କାନ୍ଥ ପଡି ଦୁଇଜଣ ମହିଳା ଗୁରୁତର ହୋଇଛନ୍ତି,ତିନିଜଣ ଅଳ୍ପକେ ବର୍ତି ଯାଇଛନ୍ତି,ଆନନ୍ଦପୁର ଥାନା ପଚାଙ୍ଗ ଗ୍ରାମର କାଳନ୍ଦୀ ନାୟକ ଙ୍କ ପତ୍ନୀ ଇତିଶ୍ରୀ (୩୦)ଗତକାଲି ରାତି ୯ଟା ବେଳେ ରୋଷେଇ କରୁଥିବା ସମୟରେ ଘର କାନ୍ଥ ପଡି ଯାଇଥିଲା,ଇତିଶ୍ରୀ କାନ୍ଥ ତଳେ ପଡି ଯାଇଥିବାବେଳେ କିଛି ଦୂରରେ ଥିବା ଚାରିମାସର ଶିଶୁକନ୍ୟା ରକ୍ଷା ପାଇଯାଇଥିଲା,ସେହିପରି ଘଷିପୁରା ଥାନା ଭଣ୍ଡାରିଡିହା ପଞ୍ଚାୟତ ବସନ୍ତପୁରା ଗ୍ରାମର ଲକ୍ଷ୍ମଣ ହଁ।ସଦା ଙ୍କ ପତ୍ନୀ ମାଇନା ହଁ।ସଦା (୫୦)ଓ ତାଙ୍କ ଦୁଇପୁଅ ସୁନାରାମ,ସିତାରାମ ସୋଇଥିବାବେଳେ ଘର କାନ୍ଥ ପଡିଥିଲା,ମାଇନ କାନ୍ଥ ତଳେବ ଚାପି ହୋଇଯାଇଥିବା ବେଳେ ଦୁଇପୁଅ ବର୍ତି ଯାଇଥିଲେ,ଉଭୟଙ୍କୁ ଗୁରୁତର ଅବସ୍ଥାରେ ଆନନ୍ଦପୁର ଉପଖଣ୍ଡ ଚିକତ୍ସାଳୟ ରେ ଭର୍ତ୍ତି କରାଯାଇଛି.
“ଆନନ୍ଦପୁର ରୁ ଗଣେଶ୍ୱର ମହାନ୍ତି” expressnews24x7live. news. blog

26.10.2019 12.10 ଆଜି ଆନନ୍ଦପୁର କଲ୍ୟାଣମଣ୍ଡପ ଠାରେ ମାନ୍ୟବର ବିଧାୟକ ଶ୍ରୀଯୁକ୍ତ ଭାଗିରଥି ସେଠୀ ଙ୍କ ଦ୍ଵାରା ବାର୍ଦ୍ଧକ୍ୟଭତା ଓ ବିଧବା ଭତା ବଣ୍ଟନ.
ଆନନ୍ଦପୁର:ଆନନ୍ଦପୁର ପୌରପରିଷଦ କଲ୍ୟାଣମଣ୍ଡପ ଠାରେ ପୌରପରିଷଦ କାର୍ଯ୍ୟନିର୍ବାହୀ ଅଧିକାରୀ ଶ୍ରୀଯୁକ୍ତ ହିତାନ୍ସୁ ଶେଖର ସାମଲ ଙ୍କ ନେତୃତ୍ୱରେ ଏକ ଭତା ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି,ଏଥିରେ ପୌରପରିଷଦ ବିଭିନ୍ନ ୱାର୍ଡ ର ଯୋଗ୍ୟ ହିତାଧିକାରୀ ମାନଙ୍କୁ ଭତା ବଣ୍ଟନ କରାଯାଇଥିଲା,ଏହି କାର୍ଯ୍ୟକ୍ରମରେ ଆନନ୍ଦପୁର ର ମାନ୍ୟବର ବିଧାୟକ ଶ୍ରୀଯୁକ୍ତ ଭାଗିରଥି ସେଠୀ ଯୋଗଦେଇ ଦୀପ ପ୍ରଜ୍ବଳନ କରି କାର୍ଯ୍ୟକ୍ରମକୁ ଆରମ୍ଭ କରିଥିଲେ,ଯୋଗ୍ୟ ହିତାଧିକାରୀ ମାନଙ୍କୁ ମାନ୍ୟବର ବିଧାୟକ ଭତା ବଣ୍ଟନ କରିଥିଲେ,ମୋଟ ୬୭ରୁ ଉର୍ଦ୍ଧ୍ଵ ଭତା ବଣ୍ଟନ କରାଯାଇଥିଲା ଏବଂ ରହିଯାଇଥିବା ହିତାଧିକାରୀଙ୍କୁ ଭତା ପ୍ରଦାନ କରିବାକୁ ବିଧାୟକ ନିର୍ଦେଶ ଦେଇଥିଲେ, ସରକାରଙ୍କ ବିଭିନ୍ନ ଯୋଜନା ବିଷୟରେ ଲୋକମାନଙ୍କୁ ସଚେତନ କରିବା ସହ କିପରି ସମସ୍ତ ଯୋଜନା ର ସଫଳ ରୂପାୟନ ହୋଇପାରିବ ସେ ନିଜ ବକ୍ତବ୍ୟ ରେ କହିଥିଲେ,ଏହି କାର୍ଯ୍ୟକ୍ରମରେ ସମାଜସେବୀ ଦେବରଞ୍ଜନ ସାହୁ ଓ ପୌରପରିଷଦ ର ସମସ୍ତ କର୍ମଚାରୀ ସହଯୋଗ କରି କାର୍ଯ୍ୟକ୍ରମ କୁ ସଫଳ କରିଥିଲେ.
“ଆନନ୍ଦପୁର ରୁ ଗଣେଶ୍ୱର ମହାନ୍ତି” expressnews24x7live.news.blog

21.10.219 12.30pm expressnews24x7live. news. blog ରାମଚନ୍ଦ୍ରପୁର ଥାନା ହରିପୁର ଗାଁ ରାସ୍ତା କଡରୁ ଜଣେ ବ୍ୟକ୍ତିଙ୍କ ମୃତଦେହ ଉଦ୍ଧାର ହୋଇଛି । ମୃତକ ହରିପୁର ଗାଁର ଗୋବର୍ଦ୍ଧନ ନାଥ । ମୁଣ୍ଡରେ ଗଭୀର କ୍ଷତ ଥିବାରୁ ପରିବାର ଲୋକେ ହତ୍ୟା ସନ୍ଦେହ କରୁଛନ୍ତି । ଖବରପାଇ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ତଦନ୍ତ ଚଳାଇଛି ପୋଲିସ ।ତେବେ ଗତକାଲି ରାତିରେ ସେ ନିଜ ବଡଭାଇଙ୍କ ଘରେ ଚା’ ପିଇସାରି କେଉଁଆଡେ ଚାଲିଯାଇଥିଲେ । ରାତିରେ ଆଉ ଘରକୁ ଫେରିନଥିଲେ । ତେବେ କେଉଁ କାରଣରୁ ଓ କିଏ ତାଙ୍କୁ ହତ୍ୟା କଲା, ସେ ନେଇ କୌଣସି ସଠିକ୍ ତଥ୍ୟ ବର୍ତ୍ତମାନ ସୁଦ୍ଧା ମିଳିପାରି ନାହିଁ ।
“ଆନନ୍ଦପୁର ରୁ ଗଣେଶ୍ୱର ମହାନ୍ତି”

20.10.2019 19.52 expressnews24x7live। ବି.ଏନ୍. ହାଇସ୍କୁଲ ର ପ୍ଲାଟିନମ୍ ଜୁବୁଲି ଉତ୍ସବ ପାଳନ କରାଯିବା ପାଇଁ ଏକ ଗୁରୁତ୍ବପୂର୍ଣ୍ଣ ବୈଠକ ସ୍କୁଲ ପ୍ରାଙ୍ଗଣରେ ଇଞିନିୟର ଶ୍ରୀଧର ବେହେରା କଂ ସଭାପତିତ୍ବରେ ଆଜି ଅନୁଷ୍ଠିତ ହୋଇଯାଇଛି। ଆସନ୍ତା ଜାନୁଆରୀ ୩୧ ତାରିଖ ଓ ଫୋବୃଆରୀ ୧ ତାରିଖ ଏବଂ ୨ ତାରିଖ ୩ଦିନ ବ୍ୟାପି ପ୍ଲାଟିନମ୍ ଜୁବୁଲି ଉତ୍ସବ ମହାସମାରୋହରେ ପାଳନ କରିବା ପାଇଁ ବୈଠକରେ ନିଷ୍ପତ୍ତି ହୋଇଛି। ଏହି ବୈଠକରେ ପ୍ଲାଟିନମ୍ ଜୁବୁଲି କମିଟି ସର୍ବସମ୍ମତି କ୍ରମେ କାର୍ଯ୍ୟକତା ଚୟନ କରାଯାଇଛି। ପ୍ଲାଟିନମ୍ ଜୁବୁଲି କମିଟି ର ମୁଖ୍ୟପୁରୋଧା ଭାବେ ପୂର୍ବତନ ମନ୍ତ୍ରୀ ଶ୍ରୀ ନିରଞ୍ଜନ ପଟ୍ଟନାୟକ, ସମ୍ଵର୍ଦ୍ଧନା କମିଟୀ ର ଚେୟାରମ୍ଯାନ ରୂପେ ଆନନ୍ଦପୁର ବିଧାୟକ ଶ୍ରୀ ଭାଗିରଥି ସେଠୀ, ସଭାପତି ରୂପେ ଇଞିନିୟର ଶ୍ରୀଧର ବେହେରା, ଉପସଭାପତି ଭାବେ ଆଡଭୋକେଟ ଶ୍ରୀ ଚିତ୍ତରଞ୍ଜନ ଦାଶ, ପ୍ରଫେସର ରମାକାନ୍ତ ନାୟକ, ସୁଶୀଲ କୁମାର ହୋତା ଓ ସୁରୋଶ କୁମାର ସାହୁ, ସାଧାରଣ ସମ୍ପାଦକ ଭାବେ ଶ୍ରୀ ମହେଶ୍ଵର ସାହୁ, ଯୁଗ୍ମସଂପାଦକ ରୂପେ ଶ୍ରୀ ନବରଂଜନ ପଟ୍ଟନାୟକ, ସହସଫାଦକ ରୂପେ ଶ୍ରୀ ବିନୋଦ କୁମାର ମିଶ୍ର, ଅଧ୍ୟାପକ ଶ୍ରୀ ଦିଲ୍ଲୀପ କୁମାର ଦାଶ ଓ ଶ୍ରୀ ପ୍ରଦୀପ କୁମାର ହାଜରୀ, କୋଷାଧ୍ୟକ୍ଷ ଭାବେ ଶ୍ରୀ ଅଶୋକ କୁମାର ସାହୁ ଓ ସଂଯୋଗ ରୂପେ ଶ୍ରୀ ଦୁର୍ଗା ଚରଣ ଦଲେଇ ପ୍ରମୁଖ ନିର୍ବାଚିତ ହୋଇଛନ୍ତି। ଉପଦେଷ୍ଟା ମଣ୍ଡଳୀ ରେ ପ୍ରଫେସର ଡଃ ଜଗନ୍ନାଥ ଶା, ପ୍ରଫେସର ଡକ୍ଟର ରାମଚନ୍ଦ୍ର ରାଉତ, ସାରଗଂଧର ଷେଣ୍ଢ, ମହେଶ୍ଵର ମିଶ୍ର, ପୂର୍ଣ୍ଣଚନ୍ଦ୍ର ସାହୁ, ପ୍ରମୁଖ ସର୍ବସମ୍ମତି କ୍ରମେ ନିର୍ବାଚିତ ହୋଇଛନ୍ତି। ସ୍ମରଣିକା କମିଟି ରେ ସର୍ବଶ୍ରୀ ରଘୁନାଥ ପଣ୍ଡିତ, ଉମାକାନ୍ତ ନାୟକ, ହରେକୃଷ୍ଣ ପତି, ଗଦାଧର ମିଶ୍ର, କୀର୍ତ୍ତନ ସାହୁ, ସାଂସ୍କୃତିକ କମିଟି ରେ ଶ୍ରୀ ଅଶୃମୋଚନ ମହାନ୍ତି, ପୂର୍ଣ୍ଣୈଦୁଲାଲ ଦତ୍ତ, ଗଗନବିହାରୀ ଭଟ୍ଟାଚାର୍ଯ୍ୟ, ଫାଇନାନ୍ସ କମିଟି ରେ ଶ୍ରୀଧର ଦଲେଇ, ଶ୍ରୀଧର ବେହେରା, ପବିତ୍ର ବେହେରା, ସୁରେଶ କୁମାର ସାହୁ, ସ୍କୁଲ ପ୍ରଧାନଶିକ୍ଷକ, ପ୍ରମୁଖ ନିଯୁକ୍ତି ପାଇଛନ୍ତି। ପରିଚାଳନା କମିଟି ରେ ୬୦ ଜଣ ପୁରାତନ ଛାତ୍ର ସ୍ଥାନ ପାଇଛନ୍ତି। ପୁରାତନ ଛାତ୍ର ସଂସଦ କମିଟି ଗଠନ କରାଯାଇଛି। ସଭାପତି ରୂପେ ବିଶିଷ୍ଟ ଶିକ୍ଷାବିତ୍ ଶ୍ରୀ ପୂର୍ଣ୍ଣଚନ୍ଦ୍ର ସାହୁ, ଉପସଭାପତି ଭାବେ ଶ୍ରୀ ପବିତ୍ର ମୋହନ ବେହେରା, ସୁରେନ୍ଦ୍ର କୁମାର ଦଲେଇ, ସଂପାଦକ ଶ୍ରୀ ନିରାକାର ଦଳେଇ, ସହ ସଂପାଦକ ଶ୍ରୀ ସଂଗ୍ରାମ ମଗଂଲ, ଅଶୋକ କୁମାର ରାଉତ, କୋଷାଧ୍ୟକ୍ଷ ଭାବେ ଶ୍ରୀ ସନାତନ ବେହେରା ପ୍ରମୁଖ ନିର୍ବାଚିତ ହୋଇଛନ୍ତି। “ଆନନ୍ଦପୁର ରୁ ଗଣେଶ୍ୱର ମହାନ୍ତି”